Nagreklamo ang pila ka Barangay Kapitan sa Tobias Fornier, Antique matapos tubtub subong wala sila gihapon makapili sang Liga Officals apesar masobra isa ka tuig na nga natapos ang Barangay Elections.
Ginpahayag ni Punong Barangay Teodorico Saruca sang Pobalacion Sur, Tobias Fornier, Antique nga ginsabotahe sang anay Liga President ang ila organisasyon kabangdanan wala madayon ang ginhiwat nga synchronized Liga election pagkatapos sang Barangay Election sang 2018.
Ginhatagan pagtamod nui Saruca nga ang anay Liga President nga si John Liglig nga nagpadalagan Barangay kagawad sa ila barangay bangud natapos na ang termino bilang kapitan ang naghimo sang pagsabotahe agud magpabilin ini nga kapitan sang ila barabngay kag magpapili liwat bilang Liga President.
Suno kay Saruca nga ginpa-resign ni Liglig ang nagdaug nga kapitan sa ila lugar agud magsaka ini bilang kapitan kag makapapili liwat sa Liga.
Napalab-ot na nila sa DILG national ang isyu apang wala gihapon maaktuhan ang ila reklamo tubtub subong.
