General Santos City– Tudo depensa ang hepe sa Tampakan Municipal Police Station kalabutan sa kamatayon sa suspetsadong brutal nga mipatay ug milugos sa 5 anyos nga batang babaye sa lungsod sa Tampakan, South Cotabato pasado alas-9:00 niadtong nakalabayng gabie.
Gibutyag ni Police Senior Inspector Rafael Banggay, Hepe sa Tampakan PNP nga kalit kaayo ang maong insidenti. Kasamtangang gipailawom matud pa sa booking procedure ang suspek nga si Sandro Ugdamen diin gikuhaan matud pa kini ug posas alang sa finger print, apan kalit lang niining giilog ang pusil sa usa ka babayeng pulis.
Didto na kini gipusil diin nakaangkon ug samad sa iyang dughan ang n asnagpit nga hinungdan sa iyang kamatayon. Nasayran nga gidala pa sa pampublikong ospital sa Koronadal City ang nasangpit nga suspek apan gideklara kining dead on arrival sa iyang attending physician.
