CAUAYAN CITY – NAKA-RED ALERT STATUS NA ANG TACTICAL OPERATIONS GROUP 2 SA PAGLAPIT NG BAGYONG UWAN, KUNG SAAN NAKATALAGA ANG LAHAT NG PERSONNEL NA DUMAAN SA MASUSING HUMANITARIAN ASSISTANCE AND DISASTER RESPONSE TRAINING.
AYON SA TOG 2, DALAWANG RESPONSE TEAMS ANG NAKAANTABAY 24 ORAS, KASAMA ANG MAHIGIT 20 PERSONNEL NA HANDANG RUMESPONDE ANUMANG ORAS.
GIIT NG GRUPO, PROACTIVE ANG KANILANG OPERASYON AT HINDI NAGHIHINTAY NA LUMALA ANG SITWASYON BAGO KUMILOS.
SAMANTALA, INALALA RIN NG TOG 2 ANG ANIM NA AIRMEN NA NASAWI SA PAGBAGSAK NG HUEY HELICOPTER SA MINDANAO KAMAKAILAN, HABANG ISANG ASSET NAMAN ANG NAG–EMERGENCY LANDING DAHIL SA DI UMANO’Y NAG–FLUCTUATE NA MAKINA.
GAYUNMAN, TINIYAK NG PAMUNUAN NA HINDI ITO MAKAAAPEKTO SA RELIEF OPERATIONS PARA SA BAGYO.
AYON SA TOG 2, LAHAT UNITS NA SANGKOT SA INSIDENTE AY GROUNDED MUNA PARA SA MAINTENANCE AT PAGSUSURI SA AIRWORTHINESS, ALINSUNOD SA SAFETY PROTOCOL.
SINABI NILANG MAYROON PA RING SAPAT NA AIR ASSETS AT PERSONNEL NA MAAARING GAMITIN PARA SA RELIEF TRANSPORT, EVACUATION, AT RAPID ASSESSMENT SA MGA APEKTADONG LUGAR.
TINIYAK NG TOG 2 SA PUBLIKO NA MANANATILI SILANG NAKAHANDA AT PATULOY NA MAGBIBIGAY NG AGARANG TULONG HABANG TUMATAAS ANG BANTA NG BAGYONG UWAN.
