Davao City – Nahimong hapsay ang pagbalik sa Oplan Tokhang o Toktok Hangyo sa kapulisan sa Davao Region ngadto sa mga pinuy-anan sa mga anaa sa Drug Watchlist.
Gibutyag ni PRO XI Spokesperon PCI Andrea Dela sukad niadtong Enero 29 adlaw diin gi-resume ang operasyon sa Tokhang mokabat sa 105 ka mga drug suspects ang nabisita sa kapulisan.
Diin sa Davao City Police office, 25 , Davao del Norte Police Provincial Office, 49, Davao Oriental Police Provincial Office, 7 Davao Occidental Police Provincial Office,4, Davao del Sur Police Provincial Office, 21 ug wala pay record sa Compostela Valley Police Provincial Office base sa report sa PRO XI.
Matud ni Dela Cerna nakatala ang rehiyon og 25 ka mga drug surrenderees.
Ubos sa bag-ong guidelines sa Tokhang Reloaded ang Tokhang team lamang ang muhimo sa operasyon sugod alas 8-5pm Lunes hangtod Sabado sa pagpanguna sa deputy chief of police uban ang representante gikan sa barangay council, human rights group o religious sectors.
Ang targets kinahanglang anaa usab sa official list ug kinahangalang sundon sa mga operatiba ang ang rule of law ug human rights, gi-encourage usab ang mga kapulisan nga magsol-ob og body cams.
RadyoMaN Aimee Guinita
