Davao City – Gipakusgan karon sa Bureau of Fire Protection (BFP-XI) ang ilang kampanyang ‘Oplan Ligtas Pamayanan’ aron malikay sa sunog.
Sumala ni SFO1 Ramil Gillado BFP-XI Fire Investigator, usa sa ilang ginahimo mao ang pagbisita sa komunidad partikular sa mga informal settlers o squatter areas pinaagi sa Oplan Tokhang aron istoryahon ug pasabton ang mga tagbalay sa mga angayang buhaton aron malikay sa sunog.
Matud ni Gillado, walay gihimong monitoring sa maong mga lugar dili sama sa mga balay establisimento nga dunay ginahimong inspection matag tuig ilabina sa pagrenew sa ilang business permit.
Gipasabot ni Gillado, wala silay katungod sa pag-inspection sa matag balay, kundi ang paghangyo lamang sa mga angayang himoon aron sunog malikayan. Giklaro usab sa imbestigador dili lang sa bulan sa Marso ang Fire Prevention Month kun dili matag adlaw.
RadyoMaN Bernard Pantallon
