14 anio ya porsa con el 9 anio

Pendiente ahora el un asunto de rape na estacion del Divisoria Police Station donde el un 14-anios de edad solterito de Lumayang ya porsa sexualmente consu pariente 9-anios de edad bata moher.
Asegun con el Capitana del Lumayang si Maridol Santos, el incidente ya sosede del Febrero 19 y ya reporta na barangay del Febrero 22.
Pero este dia ya puede ya saca medico legal el mayors del victima donde positivo ya puede destrosa el paka virgin del bata.
Asegun con Santos ta huga casa-casa el victima y suspechao y otro maga bata na lugar cuando ya lleva el hombre con el victima na bug donde alya este ya puede mete con el victima.
Esperanzao el maga pulis del Women and Children Protection Desk ay endorsa el asunto na DSWD para mira el lo que deve considerando ambos el suspechao y victima maga menor de edad y man familia pa.

Facebook Comments