Pagadian City – Nagbitay ug wala nay kinabuhi ang usa ka 19 anyos nga tomboy sulod sa bakanteng kwarto nga gipanag-iyahan sa usa ka Jerelyn Malolot nga taga Purok Makabibihag 2, Santa Lucia, Pagadian City.
Ang biktima ang giilang Perlita Samson Deocariza, aka “Petang” kinsa residente sa Purok Makabibihag 1, Santa Lucia, ning syudad.
Sa imbestigasyon gibutyag nga ang biktima ang nakit-an sa iyang igsoong lalaki nga si Raffy Deocariza, nga nagbitay nga natuok sa pisi nga gihikot sa beam sa maong bakanteng kwarto nga sikbit ra usab sa iyang kwarto.
Saysay ni Romelyn Samson Deocariza, ang igsoong babaye sa biktima, nga hilabihang depresyon ang nasinatian sa iyang igsoon gumikan sa panagbulag niini sa iyang kanhing uyab nga babaye.
Ang patayng lawas ang anaa na sa Gamalinda Funeral Homes, Tiguma, Pagadian City.
