Mi-apod-apod ug food packs ang buhatan ni Lone District Congressman Frederick Siao sa mga barangay nga adunay gapang-drive ug traysikad.
Gi-una kini sila sa paghatag sa maong ayuda tungod nagtoo si Congressman Siao nga ang maong mga driver maoy unang naapektuhan usab niining krisis karon sa Corona Virus Disease o COVID 19.
Nakita sa kongresista nga kinahanglan gayud hatagan ug tabang silang mga mawad-an ug pangita tungod sa nasinating problema dili lang sa atung dakbayan apan sa kinatibuk-ang bahin sa nasud.
Gawas niini, mipang-apod-apod usab ug pagkaon ang buhatan sa kongresista ngadto sa tanang mga frontliners nga anaa karon sa mga checkpoints ug tambalanan.
Kini isip iyang tabang aron mapakaon ang mga frontliners nga maoy nagbilar matag karon ug unya mapugngan lang nga dili na mokatag pa ang COVID 19 dinhi sa dakbayan sa iligan.
