General Santos City–Dead on arrival sa balay tambalanan ang usa ka Crispulo Deocades Jr., Alias Chris nga residente sa Purok 13, Barangay Apopong ning dakbayan human kining misukol atol sa gihimong buy-bust operation sa Regional Police Drug Enforcement Unit 12.
Nasayran nga ang suspek unang nabutang sa lit-ag sa usa ka Police personnel nga una ng nagpakarong-ingnong Poseur Buyer apan dihang nakamatikod kini nga mga police ang iyang katransaksyon, kalit matud pa kining mibunlot ug pusil dayon gipabuthan ang kapulisan.
Sumala kang Police Lt. Col. Lino Capellan, tigpamaba sa Police Regional Office 12 nga gikonsiderang top 1 drug personality sa area of responsibility sa Police Station 5 ang target ug nalakip kini sa inter-agency drug information database list ug high value target. Narekober gikan sa posisyon sa target ang mga sachet sa gituuhang shabu, buy-bust money ug armas nga gigamit niini.
Samtang dili usab kumbinsido ang pamilya ni Deocades, nga misukol kini ngadto sa mga kapulisan.(LVR)
