Midsalip, Zamboanga del Sur – Nadakpan sa tropa sa Midsalip Municipal Police Station ang Top 1 Most wanted Person sa lungsod sa Midsalip atol sa gilusad nga Police Operation alas 9 kagahapong adlawa sa Purok 3, Barangay Palili, Midsalip, Zamboanga del Sur.
Ang tropa sa Midsalip PNP gipangunahan ni Police Captain ALEXIS M BAHUNSUA ang misikop sa target nga si FLORO OLIVA DALAGUIT 52 anyos, minyo, mag-uuma, ug residente sa nasangpit nga lugar.
Ang akusado gidakop pinasikad sa gahom sa warrant of arrest sa kasong Murder nga gipagawas ni Judge Jaime B. Caberte sa hawanan sa Ninth Judicial Region, RTC, Branch 30, Aurora, ZDS.
Walay pyansa nga girekomenda ang Korte alang sa temporaryong kagawasan sa dinakpan.
Si Dalaquit ang kasamtangan nga gipaslak sa Midsalip MPS detention cell samtang naghulat sa sunod nga lakang gikan sa korte.
