Dinas, Zamboanga del Sur – Nadakpan ang Top 1 Most Wanted Person dihang gipahigayon ang police operasyon sa Barangay Nian, Dinas, Zamboanga del Sur alas 11:40 sa gabii.
Naghugpong ang puwersa sa 1st ug 2nd Zamboanga del Sur Provincial Mobile Force Company lakip ang tropa sa Dinas ug Dimataling PNP.
Malampuson nga nadakpan ang target nga si HALIL DIDO, 37-anyos, residente Purok 6, Sitio Bubog, Brgy Nian, Dinas, ang Top 7 Regional Most Wanted Person, Top 1 Provincial Most Wanted Person, Top 8 Priority Target sa PDEA provincial level.
Ang dinakpan nag-atubang sa daghanang kaso sama sa MURDER WITH MULTIPLE FRUSTRATED ug ATTEMPTED MURDER nga gipagawas ni Judge RUBEN BANCE, Presiding Judge RTC Br. 29, San Miguel, Zamboanga del Sur.
Lain pang warrant of arrest batok sa suspek sa kasong ATTEMPTED MURDER nga gipagawas ni Judge EDILBERTO ABSIN, sa RTC Br. 29, San Miguel, Zamboanga del Sur pinitsahan April 18, 2013.
Ang dinakapn gikustodiya sa Provincial Mobile Force Company Headquarters sa Camp Abelon, Brgy. Lumbia ning syudad sa Pagadian.
