Davao City – Gibutyag sa Public Employment Service Office kun PESO-Davao ang giingong Top 10 most in-demand nga mga trabaho sulod sa nasud Pilipinas.
Sumala ni Peso-Davao chief Lilibeth Pantinople, kapin 6,000 ka mga bakanteng trabaho ang itanyag sa Kalayaan Job and Business Fair 2018 karong June 12, 2018 diin customer service representatives, masons, carpenters, marketing personnel, sales personnel, tile settlers, service crew, accounting staff, engineers, ug administrative services ang most in-demand nga mga trabaho sa lokal.
Samtang sa overseas, nanguna gihapon ang pagpangita og mga nurse diin adunay natala nga bakanteng trabaho alang kanila nga 2, 022.
Dugang in-demand nga trabaho sa abroad mao ang sales assistants, household workers, caregivers, engineers, laborers, beauticians, waiters ug waitresses, dental practitioners ug machine operators.
Ang maong job fair giorganisar sa Department of Labor and Employment kauban ang lokal nga gobyerno sa syudad.
Mamahimong mag pre-register ang mga aplikante gikan June 7-11, alas 10 sa buntag kutob alas 6 sa gabii sa 2nd Floor of Felcris Centrale, Quimpo Boulevard, Davao City diin asa usab gihimo ang mini job fair.
RadyoMaN Renz Barbarona
