Nagmalampusong nasikop sa gipahigayong operasyon sa mga kapulisan ang gikonsiderang Top 10 Most Wanted Person sa dakbayan sa Malaybalay sa kasong Rape adtong milabayng sabado takna alas 6 sa buntag didto sa Purok-13, Sitio Mabuhay, Brgy. San Jose, Malaybalay City, Bukidnon.
Giila kining nasikop nga si Leonardo Vicente, 61 anyos, minyo ug mulopyo sa naasoy nga dapit ang anaay Warrant of Arrest sa kasong Rape ubos sa Criminal Case no. 36794-21 nga gi issue ni Hon. Wilfredo G. Bibera Jr., Presiding Judge sa RTC 10th Judicial Region, Branch 10 sa dakbayan sa Malaybalay pinitsahan Abril 8, 2021 nga walay girekomendang piyansa alang sa temporaryong kagawasan.
Sa pagkakaron, ginapailawom sa booking process ang maong suspetsado ug layong ipagaturn-over sa korte alang sa tokmang disposasyon.
