Dimataling, Zamboanag del Sur – Nasikop ang usa ka top 2 high-value target sa Sitio Lasak, Bacayawan, lungsod sa Dimataling, Zamboanag del Sur kagahapon sa buntag.
Ang nasikop mao si Jessie Toyco, 29 anyos , ulitawo nga nagpuyo sa maong dapit.
Ang Joint Operation gilangkuban sa elemento sa kapulisan sa lungsod sa Dimataling nga gipangunahan ni PSI Jeremias Pepito uban ang tropa 3rd Maneuver Platoon nga gipanguluhan ni PSI Orlyn Leyte.
Nadawat nilang impormasyon nga naa sa ilang lugar ang suspek hinungdan nga dali kini nilang gisulod samtang nagdala sila sa tulo ka warrant of arrest niini.
Kasong paglapas sa Akta Republika 9165, double attempted murder og robbery ang giatubang sa suspek.
Nasayran usab nga nalambigit sa Gun for Hire ang nadakapan.
