Davao City – Patong-patong nga kaso ang ipasaka sa korte sa Mandug Police Station karong adlawa September 1, 2023 batok sa negosyante human nadakpan sa buy bust operation sa Tigatto-Mandug Road, niadtong alas 12:53 sa gabii August 31, 2023.
Ang suspect nailang Ronilo Aballe Sumalo, alias Loy, 29 anyos,Top 2 High Value Individual City Level ug residente sa Sitio Lawis, Lizada, Toril, Davao City.
Sa report sa Mandug Police Station, tulo ka kaso ang atubangon sa suspect sa kasong kalapasan sa RA 9165 o Comprehensive Dangerous Drugs Act of 2002, RA 10591 o Illegal Possession of Firearms and Ammunition, RA 9516 o Illegal Possession of Explosive ug kalapasan sa gun ban ilawom sa omnibus election code.
Narecover sa mga awtoridad sa posesyon sa suspetsado, ang usa ka .38 caliber revolver, upat ka mga bala, usa ka hand grenade ug 3 grams sa illegal nga droga nga adunay street value P54,000.
RadyoMaN Don Pulayao
Facebook Comments
