Malampusong nasikop sa mga tinugyanan sa balaud ang gikonsiderang Top 3 Most Wanted Person sa lungsod sa Impasug-ong sa patong-patong nga kaso sa Arson, Murder ug uban pa atol sa operasyong gipahigayon adtong milabayng Biyernes didto sa Sitio New Imbatug, Kalabugao, Impasug-ong, Bukidnon.
Giila ang suspetsadong nadakpan nga si Eleazar Sugalang, alyas Isad Sugalang, 45 anyos, minyo, ug residente sa naasoy nga lugar.
Si Sugalang ang gipasakaan og Warrant of Arrest sa patong-patong nga kaso sa Arson, Multiple Attempted Murder, Frustrated Murder, ug Illegal Possession of Explosive nga gi-issue ni Hon. Eldred D. Cole, Acting Presiding Judge sa Regional Trial Court (RTC), 10th Judicial Region, Branch 10, Malaybalay City, Bukidnon pinitsahan Agosto 20, 2019 nga adunay girekomendang piyansa nga mukabat sa PHP840,000.00 alang sa temporaryong kagawasan.
Gibalhog na sa Impasug-ong Municipal Police Station ang suspetsado alang sa tokmang disposasyon.
Facebook Comments
