Sibuco, ZDN-Sikop ang top 3 most wanted person didto sa may sitio Paringan, Sto. Niño Sibuco sa gihimong operasyon sa kapulisan sa pagpanguna sa hepe nga si PMaj. Malahay Jauhali Said uban sa taga RMFB9 sa pagpangulo usab ni PSSgt. Kadsar Madjuran.
Human naka dawat ug report ang otoridad nga kini si Majer Jamsani Pillay 28 anyos, menyo taga Sitio Cacawan, brgy. Lakiki Sibuco, nakita ang iyang presensya sa brgy. Sto Niño, insakto 6:25AM gisilbi ang warrant nga adunay kasong pagpanglugos, walay pyansang girekomendar.
Halos lima ka tuig nga tago-tago kining suspek human migawas ang warrant niadtong Enero 15, 2015 sa korte gikan sa lamesa ni Judge Laarni Dajao sa br. 27, Siocon, ZDN.
Samtang niadtong Mayo 8, 2017, napasakaan usab kini ug kasong frustrated murder, adunay pyansa nga 120mil.
Sa karong tingkagol na sa mabugnaw nga rehas ang maidlas nga indibidwal.
