Patay ang suspek nga si Johalem Abbas alyas Tonton human nisukol sa otoridad sa Purok 6, Sinuda, Kitaotao, Bukidnon alas 6 sa buntag kagahapong adlawa.
Sa interview sa RMN DXMB Malaybalay ngadto kang Police Lt. Col. Silvestre Asiong Jr, ang hepe sa Provincial Investigation and Management Division gug spokesperson sa PNP Provincial ibutyag niini nga nahitabo ang armed confrontation human nga gisilbi sa PNP Kitaotao, 1st and 2nd Bukidnon Provincial Mobile Force Company ug 1003rd RFMB ang search and seizure warrant batok sa mao nga suspek.
Matud ni Col. Asiong nga tungod sa mao nga operasyon nasamdan usab ang usa ka pulis nga si Patrolman Romie Langub Milar sa karon stable na ang kahimtang.
Ang suspek nga napatay top 3 sa PNP-PDEA target list sa Regional Level ug nag-atubang sa kasong RA 9165 kon illegal nga droga ug kasong frustrated murder.
Nasayran nga sa mao nga operasyon usa ang napatay, 1 ang samdan samtang duha ang at-large.
