Davao City – Nadakpan sa kapulisan sa Calinan ang usa ka top 4 nga drug pusher sa Calinan PNP ug giingong top 9 sa Davao City Police Office (DCPO) level human gilusad ang buy bust operation alas 7:00 sa buntag nahitabo didto sa Calinan Public Cemetery, Magsaysay St., Calinan ning syudad sa Davao.
Sa spot report sa Calinan PNP, naila ang dinakpan nga usa ka Eulogio Lastimado Manigo, alias “Bayot”, 33 anyos, residente sa purok 23, Lanzona highway, Brgy. Calinan, Poblacion ning dakbayan.
Matud pa sa dihang gikasa ang buy bust operation ubos sa koordinasyon sa Philippine Drug Enforcement Agency kun PDEA XI, nadakpan ang suspek samtang nakig-transact sa nagpaka aron ingon nga poseur buyer sa dihang gipalitan ang suspect gamit ang buy bust mark money nga 500.00 pesos bugti sa usa ka sachet nga shabu.
Narekober sa kapulisan gikan sa possession ni Manigo ang tulo ka small size heat sealed transparent plastic sachet nga gituohang shabu, usa ka unit nga cellphone, buy bust money nga 500.00 ug motorsiklo.
Balhug na ang suspek sa prsiohan samtang giandam kalapasan sa R.A. 9165 kun Comprehensive Dangerous Drugs Act of 2002 ang ipasaka sa suspetsado.
RadyoMaN Don Pulayao
