*General Santos City——- Dakpan sa gipahigayong buybust operation sa City Drug Enforcement Unit ang usa ka top 4 sa drug watchlist sa Police Station 4 milabay’ng gabii kung asa ang suspek naila sa pangalang Alamudin Abdul Karim alyas Manila Boy.*
*Sumala kang Police Senior Inspector Fernando Manuel Jr., ang labaw sa maong buhatan nga gipahigayon ang operasyon atubangan sa Dr. Jorge P. Royeca Hospital.*
*Kung asa narekober gikan sa posisyon sa suspek ang usa ka sachet nga buybust money, buybust item, usa ka large sachet ug medium sachet sa gituuhang shabu.*
*Dugang pamahayag ni PSI Manuel nga dugay ng gimonitor kapulisan ug uban ang unit ang mga lihok sa nahisgutan bisan ug wala pa ang oplan double barrel sa kasamtangang administrasyon kung asa dinagko matud pa ang ginabaligyaan niini.*
*Saysay pa niya nga una ng napriso sa Lanton Reformatory Center ang suspek human kining madakpan sa PDEA 12 niadting tuig 2005 apan dihang makagawas, mibalik kini sa illegal nga aktibidad rason nga subling gipahigayunan ug operasyon.*
*Sa kasamtangan ginahikay na ang kasong paglapas sa R.A 9165 ang suspetsado.*
