*General Santos City————- Nagpabilin pang blangko ang kapulisan sa Police Station 3 sa posibleng ilahanan sa suspek nga mipusil sa usa ka 21 anyos nga si Mc Gilbeys Gonzales Panes ug residente Prk 5, Brgy. Ligaya ning dakbayan.*
*Sumala kang Police Senior Inspector Peter Pinalgan Jr., hepe sa Police Station 3 nga padayon ang ilahang ginahimong follow up investigation sa maong insidente.*
*Apan basi matud pa sa ilahang inisyal nga imbestigasyon, sakay sa iyahang motorisklo ang biktima samtang anaa sa crossing ligaya gumikan nagpaabot kini sa iyahang higalang babaye dihang kalit miabot ang usa ka montero color itom ug dayon pusil sa biktima hinungdan nga nakaangkon kini ug igo pinusilan sa iyahang bukton nga bahin.*
*Dugang pamahayag ni PSI Pinalagan nga nagpabilin pang nagpaalim sa balay tambalan ang biktima ug gikumpirma niini nga wala s ailahang watchlist ang nahisgutan ug wala man usab kini record sa ilahang buhatan.*
*Sa karon matud pa ilahang ginatutukan ang posibleng personal grudge hinungdan sa pagpamusil ingon man ang lover triangle, apan gipaklaro niya nga tanang anggulo ang ilahang ginatutukan aron sa mas daling pagsulbad sa maong insidente.*
*Nakig-alayon na usab sila sa uban pang mga Police Station aron masayran kung adunay record ang nahisgutanb nga posibleng hinungdan sa pagpusil kaniya.*
