Davao City – Patay ang usa ka wanted person human nisukol sa kapolisan sa Sta. Ana PNP atol sa pagsilbe sa warrant of arrest alas 10:50 kagabie sa natigayon sa may Prk. 7 Sta. Catalina, Brgy. Lapu-lapu Jerome, siyudad sa Davao.
Subay sa report sa Sta. Ana PNP, ang suspect naila sa nga usa ka Christian Lois Gabrillo, 24 anyos, ulitawo, nagpuyo sa nasampit nga lugar.
Matud pa sa dihang gisilbi sa kapolisan ang warrant of arrest sa pagsikop sa suspect kalit nihulbot sa iyang .22 kaliber sa armas gikan sa iyang hawak tumong sa awtoridad apan gibalusan kini sa kapulisan.
Daling gidala sa Southern Philippines Medical Center (SPMC) si Gabrillo apan gideklara kin nga dead on arrival.
Narekober sa suspetsado ang lima ka ka pakete sa gituohang shabu, usa ka box sa posporo lakip ang usa ka .22 kalibre sa armas ug duha ka mga basiyo sa bala gikan sa crime scene area.
Sumala pa nga adunay standing warrant of arrest si Gabrillo sa kasong attempted murder ug rank 5 sa most wanted sa tanang station sa kapolisan ning dakbayan diin nalambigit kini sa pagpangawat, pagpanulis, ug gituohang miyembro sa ‘akyat-bahay’.
Mukantidad sa P5,000 ug mutimbang sa usa ka gramo ang narekober nga iligal nga droga diin kini anaa na sa kustodiya sa Sta. Ana PNP samtang ang patay’ng lawas sa suspect anaa pa sa SPMC.
RadyoMaN Don Pulayao
