Davao City – Tingkagol sa Padada Municipal Police Station ang usa ka Top 6 Drug Personality atol sa gipahigayon nga buy bust operation sa lungsod 9:30 sa gabii.
Nakuhaan og tulo ka sachet sa shabu ug 1,000 pesos nga mark money ang suspek nga si Rollie Belando, 34 anyos ug nagpuyo sa Brgy. Almendras sa maong dapit.
Humang gidawat sa suspek ang bayad sa pulis gilayon gipusasan kini busa hastang kuganga ni Belando nga otoridad diay ang iyang gikatransak nianang gabhiona.
Matud ni Police Senior Inspector Jeffrey Latayada, hepe sa kapulisan sa Padada nga dili sab lalim ang ilang pagpaniid sa suspek gumikan sa ka-idlas niini.
Kasamtangag nabalhog sa Padada Municipal Police Station si Belando samtang gihikay na usab ang kasong may kalapasan nga section 5 ug 11 sa article 2 sa Republic Act 9165 kon Comprehensive Dangerous Drugs Act Of 2002.
RadyoMaN Joel Viray
