Top 6 Most Wanted Person nga taga Zamboanga del Norte nadakpan sa lungsod sa Tambulig

32

Tambulig, Zamboanga del Sur – Nadakpan ang giilang Top 6 Most Wanted Person sa usa ka joint law enforcement operation didto sa Purok Biasong, Barangay Sumalig, Tambulig, Zamboanga kaniadtong Sabado sa hapon.
Ang hiniusang operasyon sa mga operatiba sa Tambulig Municipal Police Station kauban ang Intel operatives sa 1st Zamboanga del Sur PPO- Provincial Mobile Force Company, Regional Intelligence Unit 9, PNP-Intelligence Group, Military Intel Agencies ug sa suporta sa National Intelligence Coordinating Agency IX miresulta sa malampusong pagkasikop sa target nga si Julito Agbay Kinawalan, 31 anyos, minyo, usa ka mag-uuma ug residente sa Barangay Pange, Siayan, Zamboanga Del Norte.
Ang pagdakop kang Kinawalan pinasikad sa gahum sa Warrant of Arrest alang sa kasong Murder kon Pagpatay ilalom sa Criminal Case Number 2018-10-3587 nga gipagawas ni Judge. Jaime B. Caberte, Presiding Judge sa Regional Trial Court, 9th Judicial Region, Branch 23, Molave, Zamboanga Del Sur kaniadtong November 18, 2018.
Walay pyansa nga girekomenda ang Korte bugti sa temporaryong kagawasan sa dinakpan.
Si Kinawalan ang kasamtangang gibalhog sa Tambulig MPS detention cell alang sa tukmang disposisyon.


Facebook Comments