Kumalarang, Zamboanga del Sur – Nahulog sa mga kamot sa otoridad ang Top 6 Most wanted person sa lungsod sa Kumalarang nga nagtago-tagu didto sa Surigao del Sur.
Alas 10:00 kagahapon sa buntag gikasa ang operasyon sa Purok Grapes, Brgy. Purisima, Tago, Surigao del Sur diin nag-ipon og pwersa ang tropa sa Kumalarang PNP ug elemento sa Tago Municipal Police Station sa Surigao del Sur.
Naila ang dinakpan nga si Nilo Tilawan Atang A.k.a ”BINDOY”, 44 -anyos, taga-Purok 4 Kumalarang, Zamboanga del Sur ug maoy Top 6 Most wanted person sa nahisgutan nga lungsod.
Gidakop ang akusado sa gahom sa Alias Warrant of Arrest sa kasong RAPE nga gipagawas ni Judge BENJAMEN R LANZADERAS, RTC branch 22 Pagadian City.
Ang dinakpan gipaslak na karon sa Tago Municipal Police Station lock-up cell ug gikatakda nga dalhon aron ibalhin sa Kumalarang MPS detention facility.
