General Santos City–Malampusong nasikop sa hiniusang puwersa sa Polomolok PNP, ingon man mga personahe sa Aurora Municipal Police Station ang usa ka top 7 most wanted person nga suspek nga si Junifer Intero, residente sa Aurora Zamboanga human nga gipakanaugan ug Warrant of Arrest sa kasong 5 counts of rape in relation to RA-7610 sa Dagok Subd., Brgy.Poblacion Polomolok South Cotabato.
Sumala pa ni Police Lieutenant Colonel Marvin Dua-Dua ang labaw sa Polomolok PNP nga human nga nahimo sa suspek ang krimen sa Polomolok na kini nagtago-tago ug nanarbaho ug pinaagi sa koordinasyon sa Aurora MPS ilahang natultulan ang nahimutangan sa suspek hinungdan nga ila kining nasikop.
Nasayran nga gi-isyu ni Judge Analyn Costanilla ang maong warrant niadto pang Septyembre 11,2017 sa RTC Branch 30 sa Aurora Zamboanga Del Sur nga walay piyansang girekomenda ang korte.
Sa kasamtangan anaa na karon sa kustodiya sa Polomolok PNP ang dinakpan samtang giasikaso na niini ang mga papeles aron hingpit na kining dad-on sa Aurora MPS.(Reynald Timario)
