General Santos City– Malampusong nasikop sa naghiusang pwersa sa City Investigation Detection And Management Branch (CIDMB) ug Regional Intelligence Unit 12 ang usa ka Noel Bacalso Arrogante, 37 anyos nga nanimuyo sa Prk 3, Barangay Conel ning syudad, gikaingong top 7 most wanted sa syudad sa General Santos alas 12:05 ang takna sa udto sa sitio Nopol, Barangay Conel.
Sumala pa nga nasikop ang nasangpit nga suspect pinasikad sa warrant of arrest niini sa kaso nga robbery with homicide nga walay girekomenda nga pyansa nga gipakanaug sa sala ni hon. Judge Lorna Santiago Avila sa RTC BR-36.
Sa kasamtangan gikustudiya sa selda sa Police Station 4 ang suspect samtang gipaabot nalang sa kapulisan nga magpakanaug ug commitment order ang korte aron nga mabalhin kini sa Gensan City Reformatory Center.(Dave Silagan)
