Davao City- Sikop ang giilang Top 8 drug personality sa gikasang joint buy bust operation alas 3:55 sa hapon.
Subay sa report sa Philippine Drug Enforcement Agency kun PDEA XI, nadakpan nila ang top 8 drug pusher sa Purok 24,Teachers Village, Calinan siyudad sa Davao diin giila ang maong dinakpan nga si Alvin Lampano, 34 anyos, usa ka fish vendor ug residente sa nasangpit nga lugar.
Sa gilusad nga buy bust operation sa pagpanguna sa PDEA XI kauban ang Calinan PNP ug Criminal Investigation Team, wala kabantay ang dinakpan ug nasakpan kini nga namaligya sa gituohang shabu pinaagi sa poseur buyer gamit ang 500.00 pesos nga buy bust marked money bugti sa iligal nga droga.
Nakuha gikan sa arestado ang tulo ka sachet nga gituohang shabu, mga drug paraphernalia lakip nakumpiska ang usa ka .38 revolver ug dunay mga bala.
Sa karon, balhug na si Lampano sa detention cell sa PDEA XI ug mag atubang og kasong dunay kalapasan sa R.A 9165 kun Comprehensive Dangerous Drugs Act of 2002
Radyoman Don Pulayao
