Mambusao, Capiz – Padayon nga ginabulong sa ospital ang isa ka delivery boy sang tubig matapos nabun-an sang hubog nga persona sa Villareal Highway, Poblacion Proper Mambusao, Capiz.
Ginkilala ang biktima kay Steve Saradolia y Candido, 30-anyos ang pang-edaron nga nag-angkon sang pilas sa natuo nga kilid sini.
Samtang nadakpan naman sa sulod sang merkado publiko sang Mambusao ang ginatudlo nga suspek nga si Jeymark Balerio y Salvador sang Brgy. Bula, 19-anyos kag grade 8 student.
Base sa inisyal nga imbestigasyon sang mga kapulisan sang Mambusao, may yara sang naka-away ang suspek malapit sa tulay.
Wala ini sang padaog gani nga naggabot sang kutsilyo kag posible nga aksidente nga nabun-an ang biktima nga natiyempuhan nga ara sa lugar sang matabo ang insidente.
