Sominot, Zamboanga del Sur – Human ang pagtago-tago sulod sa katorse ka tuig hingpit nga nahulog sa mga kamot sa otoridad ang top 9 most wanted person sa lungsod sa Sominot.
Dihang namatikdan nga anaa sa Purok 3, Sitio Lamak, Brgy. Rebe, Lala, Lanao Del Norte ang target daling nilusad og police operation ang puwersa sa Sominot PNP.
Wala na makalugnot ang suspek nga si Diomedes Sedrome 57 anyos, mag-uuma og residente sa nahisgutang lugar.
Armado ang kapuliusan sa Mandamiento de Arresto sa kasong pagpatay batok sa suspek nga piniramhan ni Judge Loreto Quinto sa Regional Trial Court, 9th Judicial Region, Branch 30, Aurora, Zamboanga del Sur pinitsahan October 25, 2004.
Nasayran sa DXPR Pagadian nga walay pyansang girekomenda ang korte bugti sa temporary nga kagawasan sa dinakpan nga karon gatingkagol na sa Sominot MPS detention cell.
