Roxas City, Capiz- Isa ka Capiznon ang nagmarka sa iya pangalan bilang top foreign cadet matapos nga mag-eskwela sa military school sa South Korea.
Si 2nd Lt. Kennon John Aguilar nga taga-Brgy Milibili, Roxas City ang isa lamang sa 142 ka mga graduates kag isa sa lima ka kadete bilang most outstanding cadet officers.
Ang 27-anyos nga si Aguilar ang nagbaton sang pagkilala bilang Most Honorable Cadet, 2nd place Thesis Presentation sponsored by Hyundai, Top Cadet Officer Award kag Top Foreign Cadet Award.
Suno diri nga sang 2013, isa siya sa napilian nga mangin estudynate para sa Foreign Service Academy Program sa diin ang mga ini ang ginpadala sa military schools sa luwas sang pungsod.
Suno kay Aguilar, ang makasulod sa Republic of Korea Air Force Academy ang indi basta-basta bangud man sa mga standards, mas strikto nga pagsulondan, language barrier kag iban pa.
Nahibaloan nga sang ini na ang 3rd year, ginhatagan sang Honorable Cadet Award si Aguilar para sa iya maayo nga ginpakita nga pamatasan kag disiplina.
Siya man ang nagrepresentar sang iya eskwelahan sa student research competition kun sa diin nakuha ang 2nd best presentator gikan sa 20 ka mga presenters halin sa nagkatuhay nga eskwelahan sa South Korea gamit ang thesis sini nga proposed solution para sa traffic problem sa Metro Manila gamit ang intelligent transport systems.
Sa subong nga natapos na ang iya pag-eskwela, magabalik si 2nd Lt. Kennon John Aguilar bilang isa ka regular officer sa Philippine Air Force.
**(photo: 2nd Lt. Kennon John Aguilar)**
