*San Mateo, Isabela- *Bagsak sa kulungan ang itinuturing na Top 1 Most Wanted Person sa bayan ng San Mateo, Isabela matapos na madakip sa Brgy. Villa Magat ng nasabing bayan.
Kinilala ang akusado na si John Lloyd Bueno, 20 anyos, binata, magsasaka at residente ng Brgy. Cabulay, Santiago City.
Hinuli si Bueno sa bisa ng warrant of arrest na ipinalabas ni hukom Reymundo l. Aumentado ng RTC br 20, Cauayan City, Isabela dahil sa kasong paglabag sa R.A 7610 o Special protection of Children against Child Abuse, Exploitation and Discrimination Act.
Dinala na sa San Mateo Police Station ang akusado para sa kaukulang dokumentasyon at pansamantalang makakalaya kung makakapagpiyansa ng halagang P180,000.00.
Facebook Comments
