Numancia, Aklan – Arestado it mga miyembro kung Numancia PNP rong ginakabig Top No. 1 Most Wanted Person it Aklan PPO ko Martes it gabii Pebrero 11 sa Brgy.Masiit, Calauan, Laguna.
Rong akusado nakilaea kay Allan Ivan Alvarado Layson, 50-anyos, native it Brgy. Fundidor, Molo, Iloilo City.
Gin aresto si Lasyon it mga kapulisan pinaagi sa bisa kung Warrant of Arrest nga may Criminal Case No. 8935 sa kasong Murder nga ginpapanaog ni Hon. Elmo F. Del Rosario, Presiding Judge, RTC 6, Branch 6, Kalibo, Aklan nga may petsang Hulyo , 2009.
Samtang kabii, Pebrero 20, 2020 rong Numancia PNP ag RUI hay nag serbe man it Warrant of Arrest sa akusado nga may Criminal Case No. 8936 sa kasong Attempted Murder nga ginpapanaog ni Hon. Ledelia P. Arajona-Biliran, Presiding Judge, RTC 6, Branch 2, Kalibo, Aklan nga may petsang Hunyo 16, 2009.
Nagtaeana man rong korte it P 120,000.00 nga pyansa para sa anang temporaryong kahilwayan.
Si Layson hay temporaryo detained sa lock up cell it Numancia PNP ag nakataeana nga iga turn-over sa korteng natungdan.
