General Santos City— Dakpan atol sa gipahigayong buybust operation sa City Drug Enfrocement Unit sa Gensan City Police Office ang usa ka lalaking nalakip sa ilahang priority list.
Sumala ni Police Senior Inspector Brent Salazar, labaw sa CDEU nga alas 7 pasado ang takna sa gabii, dihang gihimo ang operasyon sa may Balagtas St. Brgy. North ning dakbayan.
Kung asa ang suspek nailang si Joey Manansala, alyas Joe, 36 anyos nga residente sa Sarangani Homes Phase 1, Yumang St. Brgy. San Isidro ning dakbayan. Nakuha gikan sa iyahang posisyon ang usa ka sachet sa buybust item, 500 ka pesos nga buybust money ug laing tulo ka medium size sachet sa gituuhang shabu.
Dugang pamahayag ni PSI Salazar nga ang suspek ang gikonsiderang supplier sa droga sa Brgy. Buayan, Silway ingon man Makar area kung asa dili muubos sa 100 gramos sa illegal nga ang ginadispose sa nahisgutan matag semana.
Sa kasamtangan, balhog na sa lock up cell sa Police Station 1 ang suspek ug gikatakdang pasakaan ug kasong paglapas sa Sec. 5 ug 11 sa R.A 9165.
