Sa interbyu sa DXDC RMN Davao kang Police Captain Marlon Donguilab, Deputy for Operation Officer sa Toril Police Station giingon niini nga mas gipakusgan nila ang kampanya kontra kriminalidad sa ilang Area of Responsibility (AOR).
Segun ni Donguilab nga dunay upat ka mobile patrol sa mga pulis nga naka assign sa pag roving o pagpatrolya matag gabii ug nitabang sab ang mga sakop sa beat patrol ug mga police auxiliary.
Gipasabot sa opisyal, mas gipakusgan ang pagpatrolya sa mga pulis sa ilang (AOR) og pagmuntar og mga outpost sa mga police kini subay sa direktiba gikan ni Police Col Alberto Lupaz DCPO City Director diin tumong niini aron hugot nga mabantay ang dakbayan og mapugngan ang kriminalidad.
Nagpahimangno si Donguilab ngadto sa mga residente sa Toril nga likayan ang paglakaw lakaw sa sa gabii kung walay importanteng tuyo sa gawas.
“Sa mga ginikanan, ilang buyagon ang ilang mga anak nga sige og gawas gawas ilabi na sa kagabhion para ma-iwasan mahitabo ang ing-ana nga krimen,” sulti ni Donguilab.
Kahinumdoman nga niadtong milabay’ng semana bulan sa Abril 2023 sunod sunod nga pagpamatay ang natala sa Tagum City diin usa ka 9 anyos nga batang babaye ug 18 anyos nga babaye ang napalgang patay diin giingong gilugos sa wa pa mailhing mga suspetsado.
RadyoMaN Don Pulayao
