Gibutyag ni Melba Tampakan, TUCP- Membership Recruitment Services Department Director, usa ka aktibidad ang ilang giandam nga gitagana alang sa mga mamumuo sa maong adlaw.
Sigun ni Tampakan, ang maong kalihokan pagasalmotan sa 300 ka trabahante gikan sa nagkadaiyang unyon sa mga kompanya sa rehiyon onse.
Sugdan ang maong aktibidad pinaagi sa parada gikan sa ALU-TUCP Mindanao Headquarters sa dalang Roxas ning syudad ug mulibot sa downtown area dayon mubalik sa headquarters.
Gibatbat ni Tampakan, nianang panahona ila usab ipasibaw ang P150 wage increase across the board nga karon anaa na sa pagbasa sa kongreso ning panahona.
Magpahigayon usab og display sa nagkadaiyang produkto sa agrikultura sa gawas sa TUCP-ALU headquarters aron ang mga partisipante makapalit og gulay ug uban pa pinaagi sa barato nga presyo.
RadyoMaN Joel Viray
