Davao City – Balik ‘ta sa uno: Mao kini ang buot mahitabo sa katawhan sa Davao sa nagpadayong kontrobersya karon diha sa Bureau of Customs.
Sa buntagong binaylo-ay ug sinukli-ay sa opinyon sa nagkadaiyang sektor sa katilingban sa morning radio social commentary nga ‘Straight to the Point,’ ubayubay ang uyon sa ideya nga total cleansing kun halapad nga kausaban diha sa Customs operations.
Sa iyang kabahin, gisugilon ni Bishop Emeritus Oscar Cruz, Judicial Vicar sa Catholic Bishops Conference of the Philippines (CBCP) nga angay gayud motomar ug aksyon ang pamunuan nga malimpyohan ang korapsyon sa adwana uban ang hagit ngadto sa mga personalidad nga nadalahig sa isyu nga mopatim-aw sa investigative bodies haron tinoon unsa ang kamatuoran.
Pikas bahin, gibutyag ni Mindanao activist Candido ‘Jun’ Aparece nga malisud ang hagit nga anti-corruption gumikan sa kahalapad ug kakumplikado sa suliran.
Nigulang common observation sa katawhan nga ang ensaktong tubag sa buruka sa customs mao ang total overhaul or top-to-bottom reorganization o reshuffling apan ubanan sa tugbang nga mga reporma o kausaban diha sa mga proseso, sistema o pamalakad sa maong buhatan nga nabulit karon sa dili ti-aw’ng iskandalo ug kontrobersya.
Kasamang June Duterte
