General Santos City—Giransak sa wala pa mailhing kawatan ang buhatan sa Tourism sa Glan, Sarangani Province nga nakabasi sa may barangay Poblacion sa nahisgutang munisipyo.
Nasayran nga bandang alas 8:20 sa buntag nadiskobrihan nalang sa mga empleyado sa maong buhatan nga wala na ang usa ka set sa computer ingon man ang speaker.
Nabilin pa sa mga suspetsado ang usa ka tigib nga posebling maoy gigamit sa pagguba sa entrance nga bahin sa maong buhatan.
Sa pagkakaron padayon ang gihimong imbestigasyon sa kapolisan sa Glan kabahin natigayong insidente . ( *Ray Flores Sabillo* )
Facebook Comments
