Mga hotel manager sa Sugbu nanglantaw ug pagsaka sa tourist arrivals sa Sugbu ug ubang bahin sa Central Visayas region , subay sa pagsira sa Isla sa Boracay alang sa unom ka buwan nga rehabilitasyon .
Wa pa hinoon hingpit nga mabati sa Sugbuanon ang pagpangabot sa dugag mga turista nga adto unta sa Boracay mamakasyon , apan nabalhin ang ilang destinasyon dinhi sa Sugbu ug ubang bahin sa rehiyon .
Subay niini ang lain-laing stakeholders sama sa kapolisan , kabomberohan , traffic group, ug hotel security managers nihimo ug simulation exercise isip kabahin sa pagpahugot sa seguridad alang sa pag-abot sa mga turista lokal man o langyaw dinhi sa Central Visayas.
Lakip sa eksena sa gihimo nga simulation exercise mao pagpangandam kung adunay mahitabo nga insidente sa hostage-taking ug sunog nga mahitabo sud sa hotel sama sa nahitabo didto sa kaulohan nga nikalas ug kinabuhi .
