Pila ka lugar sa Western Visayas ang ginarekomendar sang
Department of Tourism nga mahimo mabisitahan sa nagahilapit nga semana
santa.
Ginpahayag ni Department of Toursim region 6 director Helen
Catalbas nga pila sa mga banwa nga nagapatigayon sang re-enactment sang
paglansang kay Ginoong Hesus sa tagsa ka Biyernes santo amo ang Barotac
Viejo, Calinog kag Alimodian.
Suno pa kay Catalbas nga mahimo man makakadto kag magsaksi
ang publiko sa “Pagtaltal sa balaan bukid” sa Jordan, Guimaras.
Samtang, ginpahayag man ni Catalbas nga mahimo man
makakadto sa mga island beaches ukon resorts sa western visayas kon sa diin
ang semana santa ginakabig man sang iban nga panahon sang bakasyon.
Ginganyat man ni Catalbas ang mga local government units
nga mangin handa sa pag-abi abi sa mga bisita kon may yara sila sang
tourism sites.
