Dipolog City- Linawas nga mitaho ang tag-iya sa tindahan nga Cellular king ngadto sa buhatan sa kapulisan sa Sindangan.
Human nga iyang nasayran nga nawala na ang ubay- ubay niya nga mga baligya.
Dali usab nga mi responde ang mga pulis sa lugar nahitabo-an aron susihon ang maong panghitabo.
Naila ang biktima nga si Lilian Magsayo Daguplo, 37, menyo tag-iya sa nahisgutan nga tindahan.
Sa nahimong pakigsusi sa mga pulis nasayran nga miagi ang kawatan sa C.R human nga iyang giguba ang mga Jalousie blade ug didto na kini naka higayon sa pagsulod sa tindahan.
Nakuha sa kawatan ang pito (7) ka Rose Gold A37Oppo, mokantidad kini ug P48, 930.00; Pito (7) Y53 Vivo phone, mokantidad kini ug (P41, 930.00); duha (2) Crown Gold Y55S, mokantidad ug (P16, 980.00); usa (1) Rose Gold A57 Oppo, mokantidad ug (P11,990.00); usa (1) Rose Gold V5 lite Oppo, moakantidad ug (P9,990.00); usa (1) black Xiaomi, mokantidad ug (P5,999.00); usa (1) Rose Gold J5 Prime, mokantidad ug (P9,990.00); tulo (3) My Phone, mokantidad ug (P7,000.00); tulo (3) Phonix Phone, mokantidad ug (P7,500.00); duha (2) J6 Phonix, mokantidad ug (P2, 998.00); tulo (3) Samsung Tablet, mokantidad ug (P6,897.00); usa (1) Portable DVD, mokantidad ug ( P3,500.00); ug mga Call Card nga mo balor ug (P45,000.00), ang mga natangag sa kawatan giba-banang moabot kini ug Pesos ( P227,680.00).
Dugang pa sa imbistigasyon, nahinanok pag ayo ang duha ka trabahante lakip ang usa ka working sa ilang pagkatulog, hinungdan nga wala nila nabantayan ang pagsulod sa kawatan sa ilang lawak.
Sa pagkakaron padayon ang gihimong imbistigasyon sa kapulisan sa Sindangan, aron sa posibleng pag-ila ug pagsikop sa kawatan.- MARK A. BACROYA
