General Santos City—Nagtingkagol karon sa Police Station 3 ang usa ka Emil Mesa, 19 , usa ka laborer nga nanimuyo sa Brgy. San Isidro, Jose Abad Santos, Davao Occidental human masikop sa gihimong follow-up operation sa Police Station 3 tungod matud pa sa pagpangawat.
Sumala pa nga nahidangat sa opisina sa kapulisan ang biktima nga si Reynald Caging, 40 anyos ug nanimuyo sa Zamboanga Del Sur human nga gikuha matud pa sa iyahang kauban ang cellphone niini nga nagkantidad ug P9,000 ug kwarta nga P4,800 .00 sulod mismo sa employees quarter sa Hemady’s General Merchandise nga nahimutang sa Ardonia St. Barangay Lagao.
Gilayon nga nagpahigayon ug hotpursuit operation ang kapulisan kung asa naabtan ang suspect nga naghigda sa bangko kilid sa dalan sa NLSA road nga hilabihan ka hubog.
Pagsuta sa bulsa sa suspek didto nakaplagan ang Cellphone sa biktima ug kwarta nga anaa nalang sa P1,700.00 nga iyaha sa biktima.
Giandam na karon sa kapulisan ang kasong pag pangawat batok sa suspect. (Dave Silagan)
