Padayon pa karon ang gihimong pag imbistiga ni PO3 Raffy Perez Cabanlit may kalabot kini sa nahitabong pagpanulis niadtong miaging adlaw.
Kahibaloan nga si Reymark Salinas, 25 anyos, nga taga Alicia Zamboanga Sibugay ug usa ka Micro Finance Officer sa ASA Philippines Foundation naka base sa lungsod sa Rizal, Zamboanga del Norte.
Subay sa imbistigasyon sa kapulisan, nasayran nga nagmaneho kini sa iyang single motor XTZ Yahama, nagtangag sa plaka numero 090105 didto sa Brgy. Mabuhay, lungsod sa Rizal.
Matod pa gitulis kini siya sa wala mailang mga suspek.
Saysay pa ni Reymark, paghuman niya ug kolekta sa mga utangan, dali kini nga mibalik sa ilang opisina bisan paman kusog ang ulan niadtong higayona, samtang naglawig siya sa dalan kalit lang nga giharangan sa wala mailang suspetsado nga nagsuot ug raincoat ug nagtabon usab sa iyang nawong.
Dugang pa ni Reymark gitutokan siya ug kalibre 38. Tungod sa kahadlok iyang gihatag ang bag nga adunay sulod kapin kun kulang P13,000mil lakip ang mga importanteng dokumento.
Sa pagkakaron blanko pa gihapon ang kapulisan kun si kinsa ang maong tulisan.
