Balete, Aklan — Lipong nga gindaea sa Aklan Provincial Hospital rong sangka misis matapos nga mahueogan it niyog sa ueo kahapon sa Brgy. Calizo, Balete, Aklan.
Nakilaea rong biktima kay Jelly Concepcion, 65-anyos ag residente it nasambit nga barangay.
Suno sa biktima nga imaw kahapon hay nagpanaw ay may ginbakae ag samtang nagapanikangon eon imaw pauli may gulpi nga eomagapok sa anang payong ag imaw ra inigo sa dahi it eahin nga niyog.
Pagka igo kana hay dayon imaw nga nalipong ag mayad nga swerte hay may naka kita kana ag imaw gintabang ag dayon gindaea sa hospital.
Sa makaron hay ginahueat pa it nasambit nga misis rong resulta it anang CT Scan examination.
Facebook Comments
