Nadakpan sa mga otoridad ang usa ka trabahante sa city hall nga matud pa naggamit ug illegal nga droga sulod sa usa ka inn sa Vamenta St, Carmen ning syudad.
Ang suspek naila sa pangalan nga si Jesrael Mark Bombeo, 29 anyos nga taga dalan Makahambus ug Burgos ning syudad. Kini matud pa sa impormasyon nga gikan ni Carmen police chief Ritchie Salva.
Sa pagsusi sa maong suspek nahibaloan nga matud pa naghawid kini sa posisyon nga Administrative Aide 1 sa City Hall. Sa dihang nakakuha ang kapolisan ug impormasyon nga anaa sa sulod sa usa sa mga kwarto ang suspek ug adunay illegal nga droga, gilayon kini nilang gilusob ug gisikop.
Nakuha sa mga kapolisan kang Bombeo ang suspected shabu ug mga drug paraphernalia. Subay niini no comment pa ang suspek sa iyang pagkaaresto apan matud pa nga niangkon kini nga former shabu user ug usa diay ka high value target.
