Pormal na nga ginlunsar kaina sang hapon ang 50th Dinagyang Festival sa SM City Activity center.
Ginpangunahan ni Acting City Mayor Joe Espinosa III ang Grand launching kaupod man ang mga City Councilors.
nagpasundayag sa nasambit nga kahiwatan ang Grand Champion sang nakaligad nga tuig nga amo ang Tribu Salognon , samtang nagrampa man ang pila ka tiglawas sang nagkalain-lain nga mga tribu suksok ang ila mga costumes sang nagliligad nga dinagyang festival.
kadungan sini, ginpirmahan sang city government kag IDFI ang MOA para sa 2018 Dinagyang Festival.
Suno kay Alex Somcio, Program director sang nasambit nga aktibidad, madamo sang lauman nga mga sorpresa ang publiko sa ika-50 nga anibersaryo sang Dinagyang Festival.
Suno sa iya nga sa pihak sang mga negatibo nga pagkilala sa siyudad bangud sa isyu sang illegal nga druga, nagapati si Somcio nga malampuwasan ini tanan kag makabangon ang siyudad bangud sa Dinagyang Festival. (sspunay)
