General Santos City–PATAY ang usa ka trabahante sa usa ka chicken dressing plant nga nahimutang sa Purok Matin-ao Polomolok South Cotabato kini human mabanggaan sa pick up truck niadtong Byernes sa gabie.
Subay sa report sa traffic section sa Polomolok Police Station, pauli na sa boarding house ang biktimang giilang si Paul John Ermac, 21 anyos, single, production crew sa Magnolia, residente sa Valencia city, og temporaryong nagpuyo sa Poblacion Polomolok sa dihang patabok ang biktima gamit ang pedestrian crossing atubangan mismo sa iyahang ginatrabahuan nga planta sa dihang kalit lamang nga nabanggaan sa naghaguros nga pick up truck.
Matud pa sa mga nakakita nga mihunong ang biktima sa tunga sa kalsada tungod may milabang nga bus apan wala mamatikdi sa biktima ang nag overtake nga pick up truck rason nga nabanggaan kini.
Nasayran nga ang maong pick up truck ang ginamanihuan sa usa ka James Emejas, mag-uuma sa barangay Landan,Polomolok. Gikan matud pa sa namasyal sa Gensan ang maong sakyanan.
Girason karon sa drayber sa pick up truck nga wala dayon niya makit-I ang biktima nga mitabok tungod sa sulaw nga suga sa iyahang kasugat.human sa panghitabo boluntaryong misurender ang drayber ngadto sa Polomolok Police Station.
Tungod sa maong insidente gisugyot karon sa pipila ka mga motorista ngadto sa lokal nga panggamhanan sa Polomolok nga mabutangan og matauran nag street lights ang mga National Highway. (Emir Bariquir)
