Nakaangkon ug daghanan nga mga bun-og sa kalawasan ang sakay sa jeep human kini sila naaksidente sa kadalanan.
Nahitabo kini niadtong adlawng domingo mga alas 9:45AM didto sa riverbank brgy. Sta. Catalina, La libertad.
Naila ang mga biktima nga sila si Jude Jumawan, 41 anyos, taga brgy. Lingasad, Polanco, nga mao ang nagmaneho trabahante sa Zamboanga del norte electric Cooperative sakay sa iyang service vehicle jeep kolor blue nagtangag sa plaka numero GMC-57 uban niya sila si Linson Cordova, 31 anyos, taga brgy. Piyan, Polanco, ug Leonard Baje, 33 anyos molupyo sa Brgy. Aseñero, Dapitan city.
Sa nahipos nga impormasyon sa kapulisan Samtang naglawig kini daplin sa suba sa maong barangay human nga nakalabay sa Dapitan river sa brgy. Sta. Catalina, niadtong higayona may gi trabaho sa kurbadahon nga bahin sa dalan.
Matod pa nag change gear ang drayber nga si Jude Jumawan apan nag malfunction kini hinungdan nga misulay kini ug preno apan lakip kini nga dili mo gana, nawad-an kini siya ug control sa iyang gimaneho nga jeep.
Tungod ato ni atras ang ilang sakyanan ug nahulog kini sa riverbank, miresulta kini sa pagka angol sa mga sakay.
Sa pagkakaron ang mga biktima padayon pang nag alim sa ilang mga samad ug bun-og didto sa Zanorte medical center.
