General Santos City—May kalabutan sa trabaho, mao kini ang gituohan sa inahan sa Traffic enforcer nga si Ramir Ramos, 39 anyos, nga taga Barangay Tinagacan Gensan nga hinungdan sa pagpatay sa nahisgutan niadtong Martes sa Hapon atubangan sa Gaisano Mall of Gensan.
Sumala ni Luvisina Ramos nga wala sya’y gidudahang uban nga motibo sa pagpatay sa iyang anak kon dili ang trabaho niini tungod wala man kini kalaban ug wala usab kini atraso sa ilang lugar.
Dili ikalilong nga daghang nasuko samga traffic enforcer gumikan sa ilang pagpanakop sa mga traffic Violator sa dakbayan.
Dugang pahayag ni Luvisina nga tungod sa kaseryoso sa iyang anak sa tahas nga gihatag kanila sa syudad mao kini ang iyang gidangatan.
Gani pila na kahigayon nga iyang gipaundang ang iyang anak sa trabaho niini apan wala kini patuo kaniya tungod mahal niini ang
iyang trabaho. Posibling ang nagpatay sa iyang anak ang mga naligsan niini sa ilang gipahugtang pagpanakop sa mga traffic Violators.
