ILIGAN CITY- Giklaro ni Atty. Baron Garcia, usa sa mga abogado ni Cong. Freddie Siao, nga dili maapektuhan ang trabaho ug mga serbisyo sa kongresista, taliwala sa kaso nga naglambigit kaniya ngadto sa Ombudsman.
Kini tungod kay, matud pa, aduna may daghang mga legal nga proseso o remedies nga mamahimong buhaton ni Siao aron makalingkawas niini.
Sa usa ka pamahayag, gikumpirma ni Garcia nga bisan paman og gibasura na ang motion for reconsideration sa Ombudsman, alang sa kaso’ng administratibo, naka-duso na si Siao og petition for review ngadto sa Court of Appeals, tungod kay nakit-an, matud pa, nila nga adunay diperensiya ang ruling sa Ombudsman.
Matud pa ni Garcia, daku ang pagsalig ni Siao sa integridad sa Court of Appeals, nga pabor ngadto kaniya ang mamahimong desisyon niini.
Ang criminal case, miingon si Garcia, anaa na sa Sandiganbayan, ug andam na usab ang kampo ni Siao aron kini atubangon.
Facebook Comments
